MATARÞJÁLFUN


Borðaðu hreinni fæðu  

Mánaðarprógramm þar sem við byrjum á viðtali, spjöllum um lífsstílsvenjur og hvernig dagarnir þínir eru núna.

Hvaða næringu færðu, á hverju nærir þú þig almennt og fleira. 

Við förum yfir þær lífsvenjur sem eru í gangi núna og hvernig hægt er að breyta þeim.

Búum til tengsl okkar á milli með viðtalinu. Viðtalið tekið á messenger FB.

Eftir viðtal hefur þú aðgang að mér sem þinn þjálfri 24/7 í 4 vikur. Þú sendir mér myndir af því sem þú nærir þig á.  Ég leiðbeini þér inn á þá braut sem er best fyrir þig.  Það er engin eins. Það sem hentar þér þarf ekki að henta öðrum 😊

Fókusum á jákvæðar breytingar á þessum vikum sem við erum saman.

 

Matarhlutinn

Allt sem viðkemur næringu er ljósmyndað og sent á mig á FB-messenger.

Ég svara eins fljótt og ég get.

Þetta er algjörlega á þínum forsendum. Ég er stuðnings- og aðhaldsbolti sem hjálpar þér inn á rétta braut.

Það eru þessar algengu lífsstílsvenjur sem fólk breytir mest við matarþjálfun hjá mér.

Förum í að borða meira hreina fæðu. Hugum að samsetningu á próteinum, trefjum, fitu og kolvetnum. Hugsum fram í tímann með næstu næringu. 

Það sem gerist á þessum vikum eru hugarfarsbreytingar, ferskari líkami, fallegri húð og vel nærður líkami. Bónusinn er svo færri sentimetrar og kíló.

Ef maður einbeitir sér að því sem nærir mann mest dregur það úr neikvæðum tilfinningum þegar hlutirnir ganga ekki upp og þú upplifir meiri sigurtilfinningu.

UMSAGNIR


Það sem matarþjálfunin hjá Önnu Mörtu hjálpaði mér mest með var að brjótast út úr megrunarkúra „allt eða ekkert“ hugsuninni sem hefur fylgt mér alltof lengi. Ég tileinka mér núna 80%/20% regluna, á í heilbrigðara sambandi við mat þar sem ég er að breyta um lífstíl en ekki fara í megrun með tilheyrandi öfgum. Núna er ég er miklu meðvitaðri um hvað ég vel mér að borða, hvernig mér líður eftir máltíðir og kann betur að hlusta á líkamann. Mæli hiklaust með matarþjálfun hjá Önnu Mörtu, frábært að fá svona gott aðhald og aðstoð á meðan maður er að tileinka sér breyttar matarvenjur.

- Vilborg Jónsdóttir

Hvað matarþjálfunin gerði fyrir mig..

Meðvitund mín um rétta sametningu á máltíðum mínum jókst gífurlega. Þú gerðir það mikilvæga verkefni að raða réttri næringu saman svo einfalt og skemmtilegt. Engir öfgar í einu né neinu, bara leiðrétta það sem betur mætti fara sem skilaði sér í mun betri líðan. Sykurlönguni nánast hvarf eftir fyrstu dagana með þér, púkinn sem henti mér í kexskúffuna eftir vinnudaginn fór út í hafsauga og fær að vera þar. Rétt samsettar máltíðir kalla á færri máltíðir þar sem næringin er fullkomlega að skila sér. Frábært að geta haft þig með mér á hverjum degi í heilan mánuð og geta leitað í hafsjó þinn af visku um mat og næringu hans. Takk fyrir að hjálpa mér að líða betur í eigin skinni með góðum breytingum á auðveldan hátt. 😘😘😘


- Hafdís Guðmundsdóttir

Matarráðgjöfin hjá Önnu Mörtu var mjög góð viðbót inn í mínar matarvenjur. 

Ég hef með árunum verið að fínpússa mataræðið, sleppa öfgum og ná betra jafnvægi. Anna Marta hjálpaði mér enn frekar að hugsa jákvætt um það sem ég borða og vera meðvitaðri um það sem ég læt ofan í mig. Mér þótti gaman að senda myndir af máltíðum til hennar og sjá þannig svart á hvítu hvað það væri sem ég væri að borða. Þannig varð ég enn meðvitaðri en áður um hvað ég var að borða, hvernig mínar matarvenjur voru og hvað það væri sem mig langaði að  bæta. Ég sá fljótt að ég þyrfti að bæta meira grænmeti við stóru máltíðirnar og einnig borða meira fyrri part dags til að lenda ekki í sykurfalli seinni partinn. 

Eitt það besta sem matarráðgjöfin gaf mér var að ég huga núna betur að samsetningu máltíða, þ.e. að passa upp á góð hlutföll milli próteins, fitu, trefja og kolvetna og ég er meðvitaðri um hvort ég sé svöng eða ekki eða hvort ég sé eingöngu að borða af gömlum vana. 

Kærar þakkir fyrir mig elsku Anna Marta, þú ert uppfull af góðri orku og girnilegum matarhugmyndum 😉 

- Hrund Ottósdóttir

Matarþjálfunnin hjá Önnu Mörtu hefur hjálpað mér gríðarlega að eiga heilbrigt samband við mat !

Ég er ekki endalaust að borða/narta því ég hef verið að gera alltof mikið af því þótt ég sé ekki svöng. 

Frábært hvað hún er dugleg að bregðast við hvað ég geri vel og get bætt mig í.  Hún sendir endalausar hugmyndir af samsettri fæðu og hugmyndir af kvöldmat og millimáli.

Mér finnst hún halda virkilega vel utan um mann í þessar 4 vikur og mun ég búa að þessu alla tíð.  Ekki skemmir fyrir að kíló og cm fjúka😊 ég finn mikinn mun á blóðsykri og meltingu og er ekki illt í maganum, sem var fastur liður hjá mér.

Fjölskyldan tekur virkan þá í þessu með mér, því þetta er matarræði sem hentar öllum á heimilinu. Nóg af fjölbreyttri og góðri fæðu 

Eins og hún sagði mér margoft í gegnum þetta ferli að þá er ekkert bannað ! Það er allt gott í hófi.

Ég er mjög þakklát fyrir að hafa byrjað að æfa hjá Önnu Mörtu því líf mitt hefur breyst alveg ótrúlega mikið og hún er dugleg að segja okkur að við þurfum að elska okkur sjálf - sjálfsást er mikilvæg svo við getum átt gott og heilbrigt líf fyrir okkur og fjölskylduna

- Rakel Sigurðardóttir